Home පුවත් HNB මුදල් භාවිතයෙන් තොර ගනුදෙනු ප‍්‍රවර්ධනය කරමින් ශ්‍රී ලංකා මහ බැංකුවේ ‘රට...

HNB මුදල් භාවිතයෙන් තොර ගනුදෙනු ප‍්‍රවර්ධනය කරමින් ශ්‍රී ලංකා මහ බැංකුවේ ‘රට පුරාම LANKAQR’ වැඩසටහන සමඟ එක් වෙයි

114
0

මහජනතාවට මුදල් භාවිතයෙන් තොර ගනුදෙනු පිළිබඳව දැනුවත් කිරීමට හා දිරිමත් කිරීමේ අරමුණින් ශ්‍රී ලංකා මහ බැංකුවේ ‘රට පුරාම LANKA QR’ වැඩසටහන ප‍්‍රවර්ධනය කිරීම සඳහා දියත උයනෙහි පැවති කොළඹ අදියර සඳහා ශ්‍රී ලංකාවේ වඩාත් නවෝත්පාදන පුද්ගලික අංශයේ බැංකුව වන හැටන් නැෂනල් බැංකුව පසුගියදා එක් විය.

HNB හි ජනප‍්‍රියතම ඩිජිටල් ගෙවීම් යෙදවුම වන SOLO දැනටමත් LANKA QR වැඩසටහන සමඟ සම්බන්ධ වී සිටින අතර ඩිජිටල් ගෙවීම් යෙදවුම් හා මුදල් රහිත QR කේත පදනම් කරගත් ගෙවීම් රට පුරාම ව්‍යාප්ත කිරීමේ ප‍්‍රයත්නයට අනෙකුත් බලපත‍්‍රලාභී මූල්‍ය ආයතන හා සන්නිවේදන සහකරුවන් සමඟ HNB ද සම්බන්ධ වී සිටී.

මේ පිළිබඳව අදහස් දක්වමින් HNB පාරිභෝගික සහ කුඩා හා මධ්‍ය පරිමාණ බැංකු කටයුතු පිළිබඳ නියෝජ්‍ය සාමාන්‍යාධිකාරී, සන්ජේ විජේමාන්න මහතා පැවසුවේ ‘‘තාක්ෂණය මත පදනම් වූ මූල්‍ය සේවා යුගයකට අප පියමං කරමින් සිටිනවා. ඉදිරියේදී අපගේ දෛනික ගනුදෙනු කටයුතු සියල්ලටම මුදල් නෝට්ටු හා කාසි අවශ්‍ය නොවනු ඇති අතර අවශ්‍ය වන්නේ අපගේ බැංකුව හා සම්බන්ධ ඩිජිටල් ගෙවීමේ යෙදවුමක්, ස්මාර්ට් ජංගම දුරකතනයක් හා අන්තර්ජාල සබඳතාවක් පමණයි.’’ යනුවෙනි.

‘‘මහ බැංකුවේ LANKA QR ජාතික වැඩසටහන සමඟ බැංකු හා මූල්‍ය ආයතන විසින් දැනට භාවිතා කරනු ලබන ඩිජිටල් ගෙවීම් විසඳුම් සමඟ LANKA QR ඒකාබද්ධ කිරීමේ මහ බැංකුවේ මෙම ජාතික වැඩසටහන මගින් දිවයින පුරා සිටින වෙළෙඳ මහතුන්ට නව ගෙවීමේ විසඳුම් භාවිතා කරමින් ගෙවීම් කටයුතු සිදු කිරීමට අවස්ථාව ලබා දී තිබෙනවා. අපගේ පුළුල් ගනුදෙනුකාර පදනම සමඟින් මෙම නව්‍ය වැඩසටහන සඳහා SOLO යෙදවුම සැලකිය යුතු දායකත්වයක් සපයනු ඇති බවට අපට විශ්වාසයි.’’ යනුවෙන් ඔහු වැඩිදුරටත් පැවසුවේය.

‘රට පුරාම LANKA QR වැඩසටහනේ කොළඹ පැවති ප‍්‍රවර්ධනයේදී මිනිස් සබඳතාවලින් තොර වීම, කාර්යක්ෂතාවය, යෙදවුම භාවිතා කිරීමේදී අවදානමක් නොමැති වීම ඇතුළු SOLO හි බොහෝ පහසුකම් පිළිබඳව දැනුවත් කරන ලදී.

2019 වසරේදී SOLO හදුන්වා දුන් දා සිට සුවිශේෂී පාරිභෝගික වර්ධනයක් අත්පත් කරගත් අතර SOLO හි පරිශීලක අතුරු මුහුණත සඳහා නිරන්තරයෙන් අලූත්කිරීම් සිදු කරමින් යෙදවුමේ විශේෂාංග හා ක‍්‍රියාකාරීත්වය වැඩිදියුණු කිරීමට HNB අඛණ්ඩව කටයුතු කිරීම මගින් ගනුදෙනුකරුවන්ට භාවිතයට පහසු හා නම්‍යශීලී QR පදනම් කරගත් ගෙවීම් අත්විඳීමට හැකියාව ලැබේ.

පරිශීලකයින්ට මුදල් හෝ කාඞ්පත් හුවමාරුව මගහරවා ගනිමින් මෙම යෙදවුම හරහා ගනුදෙනු සම්පූර්ණ කළ හැකිය. තවද වීසා, මාස්ටර්ස් ඩෙබිට් හා ක්‍රෙඩිට් කාඞ්පත්වලින් සිදු කළ ගෙවීම් තොරතුරු ඇතුළු JustPay ගෙවීමේ විකල්පයට සම්බන්ධ  ඕනෑම බැංකු ගිණුමකට අදාල සියලූ තොරතුරු ඩිජිටල් ලෙස ගබඩා කිරීමේ විකල්පයක් ද SOLO යෙදවුම ලබා දෙයි.

වෙළෙඳුන් පිළිබඳව සැලකීමේදී SOLO යෙදවුම මගින් දැරිය හැකි, පහසු මිලකට හා පහසුවෙන් භාවිතා කළ හැකි QR කේත හරහා ඩිජිටල් ගනුදෙනු කටයුතු කිරීමේ පහසුව ලබා දෙන අතර එය දැනට වෙළෙඳපොළේ ඇති අනෙකුත් ඩිජිටල් ගෙවීමේ විසඳුම් සමඟ සැසඳීමේදී සැලකිය යුතු ලාභදායී විකල්පයක් ලෙස පෙන්වා දිය හැකිය. පරිශීලකයින්ට SOLO භාවිතා කර QR කේතය ස්කෑන් කිරීමෙන් ගෙවීම් සිදු කළ හැකි අතර ගෙවීම් ලැබීම තහවුරු කිරීම සඳහා වෙළෙඳ මහතුන්ට ක්ෂණික කෙටි පණිවිඩයක් ලැබෙනු ඇත.

LANKA QR යනු ඕනෑම සුළු හා මධ්‍ය පරිමාණ වෙළෙන්දෙකුට වේගවත්ල ආරක්ෂිත හා අඩු වියදම් ඩිජිටල් ගෙවීම් සඳහා පහසුකම් සැලසීමට මෙරට මූල්‍ය ආයතන විසින් අනුගමනය කරනු ලබන ක්ෂණික ප‍්‍රතිචාර (QR) කේත පදනම් කරගත් ගෙවීම් ක‍්‍රමවේදයකි.

HNB විධායක අධ්‍යක්ෂ සහ ප‍්‍රධාන මෙහෙයුම් නිළධාරී, දිල්ෂාන් රොද්‍රිගෝ මහතා වෙළෙඳ සැලකදී HNB SOLO හරහා ගනුදෙනුවක් සිදු කරන අවස්ථාවේදී උත්සවයේ ප‍්‍රධාන අමුත්තා වූ මුදල් හා ප‍්‍රාග්ධන වෙළෙඳපොළ සහ රාජ්‍ය ව්‍යවසාය ප‍්‍රතිසංස්කරණ රාජ්‍ය අමාත්‍ය අජිත් නිවාඞ් කබ්රාල්, මහ බැංකුවේ නියෝජ්‍ය අධිපති හා ජාතික ගෙවීම් කවුන්සිලයෙහි සභාපති ටී.එම්.ජේ.වයි.පී. ප්‍රනාන්දු සහ මහ බැංකුවේ ගෙවීම් හා පියවීම් දෙපාර්තමේන්තුවේ අධ්‍යක්ෂ  කුමාරතුංග යන මහත්ම මහත්මීන් සමඟ.

LEAVE A REPLY

Please enter your comment!
Please enter your name here